2015年1月29日 星期四

海德哲基爾與我


韓風近呢幾年真係吹得厲害
韓劇已不知不覺成為生活既一部份
女生們就緊係為左睇韓星啦 XD
除左睇靚仔,仲可以睇下韓裝最新潮流ma
最近因為韓志旼有新既連續劇"海德,哲基爾與我"
韓志旼演大長今時Rossana已經覺得佢好靚
就連貓佬都一起個個星期追XD



故事改編自韓國網路漫畫"哲基爾博士是海德"
講述了一名有雙重性格的具瑞鎮(玄彬 飾)
與馬戲團團長張荷娜(韓志旼飾)
陷入三角戀的浪漫愛情故事



故事始於充滿幻想既wonderland主題樂園!
張荷娜從美國回來接管Wonder馬戲團團長職務
可是初次上任就被奄尖男具瑞鎮企圖終止合約~
於是兩人狗咬狗骨吵過不停~


韓志旼演技精湛寫實地演繹出角色



當場不少得肌肉男玄彬啦 XD



而劇中張荷娜(韓志旼)既穿搭都好值得參考架
紅色格仔Boyfriend外套配黑色粗冷頸巾!like~


最深刻緊張的是張荷娜墮樓既一刻~
 實在驚心動魄


具瑞鎮拚死相救,雙雙掉進水中...超浪漫呀~



後來張荷娜被發現拍到瑞鎮人格分裂成另一人
而被權英燦既手下追殺,因此2人開始變得合拍




一幕幕既童話浪漫片段一一呈現


原來此時救張荷娜既是人格分裂出來既Robin
故事很有趣吧~


除左墜樓,張荷娜仲跳窗



幾經波折都逃不過惡勢力
只是做左4集已經咁峰迥路轉,劇情相當緊湊
又要等下星期先有得睇喇,真頂癮 XD

線上看:



歡迎加入FB 小懶貓美妝生活堡壘 (<=按我)

也可於FB / weibo 加我好友 ^0^




2015年1月27日 星期二

酸辣聞名泰東北~

雖然Rossana唔係好食得辣
偏偏鐘情於以酸辣聞名既泰菜~
今次要試既係位於銅鑼灣世貿中心1302既
Soi 18 THAI 18巷泰國餐廳
門面既logo設計夠型又霸氣
就彷似所有味蕃刺激盡在soi18一樣.
至於食完舌尖會否興奮火辣?!一會話你知 XD


Soi 18 THAI 特別之處是主打泰東北菜
平日食既都係bangkok式既泰菜,
今次初嚐泰東北菜,確實充滿新鮮感
就好似呢個冬蔭清湯$68
跟平日飲開既冬蔭公湯唔同既係無落椰漿
唔好睇個湯好似好清咁,依然辣度十足架
當然可以根據個人喜好,落單時選擇辣度!
Rossana 呢碗小辣都仍覺得相當刺激^_^
不過Rossana 就比較喜歡這泰東北冬蔭公湯!
飲落較清甜還帶著清新既靑檸酸子味,
又有爽彈大蝦和各式菇類配搭生曬乾既指天椒⋯
Wowowooo絕對能夠滿足你既味蕾!



炭燒豬頸肉$98
相間既脂肪,清晰既纖維紋理一看已知道是上乘既豬頸肉
外皮薰得金黃焦香,啖落爽彈而流露著炭火香
豬頸肉充滿肉汁,不禁食指大動


泰式燒牛扒 $178
對~我地成班都係牛魔王
當然少不了牛 XD


用上牛禪既日本和牛,油花密而平均
肉質幼細而鬆軟!



泰東北燒雞青木瓜沙律配糯米飯 $168
Rossana喜歡富濃烈香料味又帶酸甜既青木瓜沙律
簡直係食到停唔倒口!!!!
泰東北燒雞以炭火燒熟,外皮滲出陣陣炭香
雞肉是用了泰國進口既香茅,乾葱,魚露,檸檬,酸子等香料醃製?!
除了嚐到嫩滑甜甜既肉香舌尖還奏起香料協奏曲XD



 最有趣就是糯米飯既造型了!!
賣相絕對是100分~


泰東北人會將糯米飯點秘製醬汁食
糯米飯香糯粘滑沾上醬汁別有一番味道




Rossana就真係唔食得太辣~
剛剛喚醒味蕾刺激,是時候中和一下
椰青特飲是經理強烈推介!!

有咩特別?
就係將雪白既椰子肉與椰青水打成沙冰
因此比椰青水多了幾分椰香
沙冰打得很幼滑,沒有太大既顆粒
火辣辣過後以冰相融,解辣又解渴~



秘製黑椒炒蟹 $388
18巷每日限量供應5隻新鮮蟹架jar
因此想食蟹最好就預早訂左先喇~
秘製黑椒炒蟹則是泰國南部既傳統菜
通常都係食咖哩蟹 XD
用香料將蟹炒熟,最後再以秘製黑椒作醬汁,惹味非常
很有Heart既係將蟹件還原!!!!
原隻蟹上碟架...未食就已經加曬分啦


再一讚既係其細心,蟹殻碎!!
唔洗用手,光用快子就可以將殻夾開
真係勁方便又可以保持儀態咁食蟹


幾大隻蟹鉗!!!
一絲絲既蟹肉鮮甜極為突出,饞涎欲滴



麵包焗咖喱牛腩 $138
桌上已聞到酥油香 XD


18巷既服務真係超超超好!!!
不時會主動換下碟加下水
仲可以幫我們呢班懶人剪綵lolllll



超喜歡咖喱牛腩!!可以隨意選擇辣度架
咖喱既椰漿香茅味真係好香,
牛腩腍滑而入味!!!


酥皮 $28
咖喱與酥皮絕對是天作之合吧~


嘻嘻~豐腴甘香絕對是人間美味


清炒佛手瓜苗 $88
Rossana第一次食佛手瓜苗,
超初睇個名以為是合掌瓜!
原來佛手瓜苗即龍鬚菜 XD
聽說龍鬚菜可降血糖血壓架~



酸辣汁原條蒸魚 $198



泰式椰青大菜糕 $40
特點是無糖,即使患有糖尿都可過過口癮XD
晶瑩剔透既椰青大菜糕,以椰青水和椰青肉製成
因此份外清甜又有椰青肉咬下


香芒椰汁糯米飯 $78
水花芒多汁鮮甜
軟綿煙韌既黑糯米和白糯米充滿椰奶與香蘭葉香
Rossana個人還是愛黑糯米XD



泰式千層糕 $48
熱烘烘既千層糕軟滑彈牙
濃郁的班蘭葉與椰子味,令人無可抗拒!!




歡迎加入FB 小懶貓美妝生活堡壘 (<=按我)

也可於FB / weibo 加我好友 ^0^


2015年1月22日 星期四

乾濕兩用底妝神器~


化妝掃絕對是Rossana每日既必需品
不過...說起粉底掃.....
雖然Rossana買買埋埋都有5支,但就真係好少用
因為用完支掃頭都會積聚住多餘既粉底 ,
刷毛黏到一舊舊一束束咁:(
要日日洗左先可再用得,真係幾鬼煩
今次Rossana要介紹林三益呢支底妝神器
正正就無以上既問題!
林三益斜角底妝掃限定版 $468


斜角底妝掃限定版以三角柱體包裝
就好似一個粉底掃架咁,都幾有型~



超喜歡珍珠白色配啞金色既手柄,簡潔高貴
全長約12.5cm,掃頭3厘米直徑



手柄刻有LAMSAMYICK既嘜頭



有名你叫斜角掃啦XD
平囗設計就更容易掌握力度


特別採用波浪狀化纖毛料,
毛雖然密集但同時留有間隙
目的係令刷毛唔會過度吸粉,因此妝效就較薄貼

先將粉底液塗於臉上再打圈推開
粉底本身都幾厚身,推均勻後十分薄貼
而且粉量也比之前用少左就可完成整個底妝!
以往用掃起碼3至4泵,用斜角掃兩泵就搞掂:)



斜角掃另一好處是眼底,鼻翼等細微位置都能照顧到,
而且延展得較順暢


睇下沾完粉底液上完妝,支掃仲好似無用過咁!


跟手仲可以用同一支掃上碎粉


抓粉能力超強,碎粉留下左掃既圓周 lollllll



上曬D碎粉個掃依然乾爽


仲可以用來上埋胭脂,打埋光影陰影添呀 XD
一支掃就攪掂,真係勁方便!



銷售點:香港全線LOGON

產品由"林三益香港總代理提供


歡迎加入FB 小懶貓美妝生活堡壘 (<=按我)

也可於FB / weibo 加我好友 ^0^