除左日本菜和印度菜,
西班牙菜都係Rossana既飛佛^0^
Rossana最鐘意食既就係西班牙飯
嘻嘻~係咪見倒都已經食指大動呢?!
大約於半年前探訪完西環既朋友後,
就跟貓佬搵食,就於厚和街見倒呢間tapaella grill Spanish Cuisine
上次試過其烤乳豬和瓦倫西亞鍋飯,真係諗起都唾沫直嚥回味無窮
所以決定跟貓佬舊地重遊 XD
就跟上回一樣,坐下點餐不久
店主便奉上烤法包~
Putatis 藏紅花拔蘭地煮牛肉 $108
說真的點這味菜,因為被藏紅花呢個名字吸引左
藏紅花其實是鳶尾科番紅花
以重量衡量,是世界上最高檔既香料
同時藥用價值和營養都好高架~
番紅花用來做西班牙飯就試得多,
用來整牛柳又會係咩味道?很好奇吧 XD
牛柳以乾葱,青紅椒爆香,再以藏紅花,蒜和拔蘭地作sauce
令牛柳既肉味更突出之餘,於口腔內迥蕩著香濃既肉汁
肉質腍嫩不在話下,其惹味程度絕對是爆分的啦!
Pinchos Morunos Iberico 串燒黑毛豬 $82
黑毛豬火腿就食得多,串燒都係第一次食
起初蠻擔心豬用烤的,肉質會好鞋,
因為黑毛豬粒是有厚度的ma,而且豬一定要全熟~
當Rossana一口咬落去時疑慮全消!!
雖不能說是好滑,但至少唔會又鞋又韌
表層烤得香脆,香料帶肉香,再配埋秘製醬汁簡直食髓知味
食完TAPAS,當然不少得文始時看到已叫人口水直流的
Paelle Marinera 西班牙海鮮飯 $288
金黃色既番紅花米粒,粒粒分明
最勁既係可以整得咁乾身!
西班牙飯有大蝦,魷魚圈,魚,青口和青豆
要讚一下大廚和青口!!!!!
因為火路控制得宜,沒太老火導至韌身和失去鮮味
青口不單鮮甜,啖落還有海水鹽味~確實極之surprise!!!!
本來仲擔心太多野會食唔曬,
因太好味既關係,貓佬轉頭就清光光
食得非常興奮,仲係度扮異鄉人醫生中既文教授
的招牌手勢yea yea yea... XD
貓佬意猶未盡,仲話想試下西班牙甜品
Churros with chocolate sauce $48
呢味甜品其實係西班牙既donut XD
原來西班牙donut 是一條條的...
炸得金黃香脆,表面見倒好多糖,但唔會太甜
跟平日食開既donut compare,它...可說是無甜味可言
可能是因為配朱古力醬的關係吧~
糖又甜朱古力又甜的話...真係會甜死架 XD
沒有留言:
張貼留言