Rossana經常都會去尖沙咀搵食
今次一行五人來到美食雲集既厚褔街H8 18樓
The Captain's House食美國海鮮餐
這家餐廳之前有朋友帶我來過的了,今次再encore
先來一杯Asian Punch $48
有薄荷葉,荔枝和薑味汽水
薄荷葉與荔枝譜出超fresh既戀歌
先來Louisiana Crab Cake 路易斯安那特色蟹餅 $88
啖落啖啖蟹肉滲出濃濃既鮮味,
混合蛋黃醬,香菜和奶油醬加倍滋味
Fresh Catch seafood on ice $896
龍蝦,蟹,虎蝦,翡翠螺,蠔,蜆,龍蝦仔,青口,帶子,八爪魚,
幾乎咩海鮮都有,賣相勁有型.見到都已經食指大動!
如果唔加龍蝦既話$658就有交易
麵包蟹既膏真係多到滿瀉!!Yummy~
龍蝦充滿霸氣!!龍蝦鉗啖啖肉,好幸福呀!!
Sauteed Fresh Mussels 白酒忌廉煮青口$198
白酒帶起了青口的鮮甜又唔會有腥味
白酒味同忌廉調得洽到好處,配上蒜蓉麵包簡直一流
Hawaiian Poke Salad with Salmon $98
如果就咁睇你估唔估倒係咩dish？
哈哈其實係三文魚!
夏威夷海鹽醃製的三文魚,加入芝麻油,洋蔥,胡椒伴勻
實在齒頰留香,垂涎三尺
是日精選:Australia Wagyu Steak $298
嘩嘩嘩~賣相好鬼靚呀，未食已經自動加分
厚厚的澳洲和牛伴著色彩繽紛既西蘭花,乾蕃茄,茄子
和牛上還以蒜花作點綴，整個構圖就是美!
我們叫左5成熟,外皮烤得香口,肉質綿密細緻清爽不油膩
來Captain's House必叫Captain's Hot Seafood Bag $498
是美國路易斯安那州的南部新奧爾良當地既做法
你可以選擇3款5款or8款海鮮,當然價錢會有唔同
我們揀左虎蝦,翡翠螺,蜆,龍蝦仔,八爪魚５款海鮮
用一個大膠袋裝住各式各樣既海鮮,
加入醬汁shake下shake,令每一件海鮮都充滿醬汁
而Captain's House有4款醬汁選擇～Yummy!!
最後當然要食甜品啦！甜品另一個胃ma XD
不過Rossana呢大半年食量真係大左好多,
所以腰圍吋數也相對變大 :(
不過美食當前真係難以抗拒,都係個句食左先算
Mars Bar Cheese Cake $68
軟滑可口芝味濃,朱古力唔會太甜
Cream Brulee Original法式焦糖燉蛋 $58
脆脆的焦糖糖衣配上軟滑燉蛋
啖落滲出淡淡既vanila香氣,甜度剛好
Banana Crumble $58
外層的crumble 金黃酥脆,肉桂跟香蕉融合
就連唔鍾意食香蕉都食到停唔倒口
沒有留言:
張貼留言