好多時女士們跟男性朋友聚會或約會
為顧儀態即是係蟹癡都唔敢去食肆品蟹!
甚至有朋友嫌拆蟹麻煩,聽見就卻步~
其實想食蟹都可以用刀叉筷子,滿有儀態的吃
可能你會話可以咁食蟹法既食肆,通常都唔方正宗啦

咁你就大錯特錯了!!!!!

提供這麼貼心既正是如假包換既避風塘正宗炒辣蟹始祖

"喜記蟹將軍"

"喜记"於上世紀六十年代創立,
當中最出名既喜記正宗炒辣蟹仲揚名國際

曾獲法國藍帶美食大獎並於各地飲食界屢獲殊榮
所以大家唔好再去錯,識食緊係去"喜記"喔hehehe

Rossana今次就一行十人大夥兒來到

香港銅鑼灣謝斐道440號地下及地庫試"喜記蟹將軍"

最正既係設有獨立房間,成班嘩鬼聊得興奮笑得開懷都唔會打擾倒其他客人

同埋於洗手間出面就有得洗手 XD

先來個風味三小碟打開胃口

打頭陣既係陳醋木耳,百味豆腐和醉豬手

陳醋木耳:質地軟中帶脆,葉大肥厚,啖落清脆爽口有降壓減脂之功效

拌陳醋進食酸而不澀,香而微甜隨即胃口大開

百味豆腐:金黃香脆的外層,環抱著滑得彈破的豆腐,外脆內軟

討喜的是絕無半點油膩感

醉豬手:充斥著淡淡的酒香味,皮肉富彈性又不黏骨

是炎夏一個透心涼嘅選擇~

hehehe...戲肉要來了!!!!

黑松露波菜汁蟹鉗 $68/位

喜記蟹將軍既煮調手法就是這麼的創新

以中西合壁將肥美飽滿每日新鮮即拆既蟹鉗

跟菌香四溢既意大利松露及新鮮菠菜汁完美結合

將蟹鉗既鮮美充分昇華至百吃不厭既魔鬼境界...

想起又唾沫直嚥了 XD

招牌將軍令 $68/位

唔單止個名就連賣相都極度霸氣!!

Rossana對將軍令就是情有獨鍾~

將軍令即炸蟹鉗?無錯~但卻是非一般既炸蟹鉗喔

每客將軍令以三兩足既蟹肉製成混進少許蝦膠

使將軍令鮮味彈牙.炸得外皮色澤金黃酥脆~

伴蒜蓉,豆豉,辣椒熊熊鑊氣炒至蒜香4溢

女士們可以保持著儀態,用刀叉都可以食倒上等鮮靚蟹

每口啖啖鮮嫩蟹肉,饞涎欲滴~

芥末網蝦球 $88/位

賣相就活像一件藝術品,而且炸蝦球確實是巧手菜

好多時炸得外表OK,但D肉實而無味~

芥末網蝦球卻晶瑩雪白爽口彈牙,同時又保留著鮮味

跟芥末醬溫柔結合令人饕口饞舌,沁人心脾

蠔皇扣鮮鮑$68/位

鮑魚味香濃撲鼻,軟腍卻帶著煙韌口感

菜心葉片嫩綠,味道甘甜爽口~

接著呢度菜真係必點!!!!
金牌牛肋骨$188
點解呀?賣相唔係好吸引jar喎~
因為是極巧手工,而且工序繁複既一道菜啦
美國牛肋骨先雪再燉,再將外皮炸得脆香
迼道菜既精粹是秘製既sauce
這碟平平無奇酷似鼓油既汁,
其實係由燉時滴出來原汁原味既豐腴牛肉汁製成
輕沾一點醬汁再淺嚐一口,聞香下馬既肉汁與肉香
環迥著整個口腔,配上肉香襲人既醬汁,衝擊著每顆味蕾~